Претседателот на Судскиот совет Киро Здравев ја прекина седницата на Судскиот совет пред да се гласа за новите судии во Апелација. Изборот на судии во Апелација беше последна точка на денешниот дневен ред и за нив требаше да се одлучува по паузата од половина час.
Но по консултациите кај претседателот на Советот на кој присуствуваше и ВД Претседателот на Врховен Фаик Арслани, седницата беше одложена. За шест места во Апелација конкурирале 95 судии.
Претседателот на Судскиот совет Здравев не сакаше да коментира дали има притисоци и дали однапред се мести и договора изборот на кандидати, но напомена дека поради некоординираност може да отпаднат добри кандидати и дека треба дополнително време на членовите на Судскиот совет уште еднаш да ги разгледаат биографиите на сите пријавени кандидати.
„За во Апелација треба да се изберат најдобрите судии, а може да се случи да не се избере никој, односно ниту еден да не го добие потребниот број на гласови. Тогаш огласот ќе мора да се повтори и изборот ќе треба да се одложи до крајот на годинава, што е најлошо за Апелацискиот суд“ рече Здравев.
Седницата за избор на Апелација е одложена на неодредено време. Огласот за избор на судии беше објавен пред седум месеци.
Екс претседателот на ДИК Чичаковски избран за судија во Управниот суд