Германската канцеларка Ангела Меркел е еден од фаворитите за Нобеловата награда за мир оваа година, тврди германскиот дневник Билд.
Од утре се отвара «сезоната» на новите Нобеловци. Во понеделник околу пладне ќе биде соопштен добитникот на Нобеловата награда за медицина, во вторник за физика а во среда за хемија а на 12 октомври добитникот на наградата за економија. Денот на доделување на наградатаза литература се чува во тајност до последниот миг но познавачи велат дека таа се доделува традиционално во четврток па оваа година тоа би можело да се случи на 8 октомври.
Најмногу внимание во јавноста привлекуваат Нобеловите награди за мир која се доделува на 9 октомври и литература а па така овие добитниците на овие две престижни признанија има и најмногу шпекулации.
Така и Билд влезе во оваа трка на погодување на идниот добитник на награда за мир. Според Билд, Меркел може да ја добие наградата поради својот ангажман во украинската криза и во кризата со бегалците.
Меркел изјави дека ЕУ има морална обврска да ги прими стотиците илјади бегалци кои пристигнуваат во Европа и широко ги отвори портите на својата земја. Канцеларката беше остро критикувана поради овој став. Но, истовремено, тој став беше преземен и во други земји на ЕУ и од страна на политичарите и граѓаните. Сетете се на поддршката за прием на бегалците која дојде од публиката на фудбалските стадиони и во Германија и во други земји на ЕУ.
Со овој став Меркел заслужи да ја понесе титулата на лидер какви што има многу малку во Европа.
По обичај, Нобеловиот институт кој ја доделува наградата останува нем се до последниот момент и остава место за десетици шпекулации.
Вкупно 276 организации и личности беа предложени за наградата за мир. Прогнозата за доделување на оваа награда на Меркел дојде од пред се од директорот на Институтот за истражување за мир во Осло кој изјави дека токму канцеларката ќе ја добие наградата.
Најнадежни на списокот предлози се владата на Колумбија поради преговорите за мир во движењето Фарк, преговори кои, по долги децении, ќе донесат безбедност во оваа латинско-америчка држава.
На списокот е и опозицискиот руски дневник Новаја Газета. Според прогнозерите, би било добро еден медиум да ја добие оваа наградата бидејќи тоа досега не било случај но и поради тоа што слободата на изразувањето во Русија е во опасност а весникот храбро се бори против таа опасност.
Според некои прогнози високо на списокот се наоѓаат Високиот комесаријат за бегалци, кој веќе ја доби на два пати оваа награда во 1954 година и 1981 година и католичкиот свештеник Мусие Зераи кој им помага на бегалците безбедно да го минат Медитеранот.
Понатаму на списокот се наоѓаат Едвард Сноуден, шефот на иранската дипломатија Џавад Зариф и неговиот американски колега Џон Кери за иранскиот нуклеарен договор, потоа меѓународната кампања за аболиција на нуклеарното оружје, гинекологот од Конго Денис Муквеге кој им помага на силуваните жени или јапонската асоцијација “Друштво за поддршка на членот 9”. На списокот е и актуелниот Папа.
Минатата година Нобеловка за мир беше младата пакистанска активистка Малала Јусафзаи и еден активист на правата на децата, Индиецот Каилаш Сатиарти.
Што се однесува во наградата за литература досега се слушнаа имињата на Светлана Алексиевич од Белорусија, Нгуги ва Тионго од Кенија и Американците Џојс Керол Ејтс, Филип Рот, Дон Де Лило, Томас Пиншон или Урсула Ле Гуен. Можно е наградата да замине за САД бидејќи последниот Нобеловец за литература од САД беше писателката Тони Морисон во 1993 година.
Нобеловецот добива награда од 8 милиони круни или 855.000 евра.
Следете го во “живо” објавувањето на награди преку Твитер на @NobelPrize.