НОВА дознава дека на носител на првата изборна единица ќе биде Стево Пендаровски, поранешен претседателски кандидат на СДСМ.
Во втората изборна единици на чело на листата ќе се најде актуелниот министер за внатрешни работи Оливер Спасов.
Третата изборна единица ќе ја води дополнителниот заменик министер за земјоделство Љупчо Николовски.
Претседателот на партијата Зоран Заев ќе биде на чело на листата во четвртата изборна единица.
Во петтата изборна единица чест да ја води листатат доби потпретседателката СДСМ Рада Шеќеринска.
И конечно, во шестата единица носител на листа ќе биде портпаролот на СДСМ Петре Шилегов.
Овие имиња ќе бидат објавени денес попладне на 21 Конгрес на СДСМ кој почнува во 14 часот во хотелот Алкесандар Палас во Скопје.
Од коалициските партнери, неофицијално, ЛДП и НСДП ќе добијат по две сигурни позиции, ДОМ на Лилјана Поповска едно место на листата ба пратеници исто како и партиите на Ердоган Сарач и Фиат Цаноски.
И Шарената револуција нема да биде заборавена па некои од нејзините најистакнати активисти најверојатно ќе влезат во политички води. Се споменува како сигурно името на Павле Богоевски но најверојатно уште двајца ќе му се придружат на Павле.
Освен тоа на листите на СДСМ треба да се појават имиња на независни интелектуалци.