Комисијата за заразни болести даде препорака за укинување на мерката за задолжително носење на заштитни маски, потврди претседателот на Комисијата, Александар Петличковски.
Тој вели дека од оваа мерка изземени ќе бидат здравствените установи, аптеките, домовите за стари лица и јавниот превоз, вклучително и такси возилата, каде заштитните маски ќе останат задолжителни. За нив останува задолжителното носење на маските. За сите останати затворени простории носењето на маска ќе биде избор, а не обврска.
“Втората мерка која ја донесовме е тоа дека се укинува епидемиолошкото следење на контактите од потврдени случаи на Ковид-19 и последователната препорака за изолација на контактите“, рече Петличковски.
Препораките ќе бидат пратени до Главниот кризен штаб на Владата.
(Б.Б.)