Од сабота, 1. јуни, стапува на сила третата фаза од германскиот закон, чија цел е привлекување странска квалификувана работна сила, која носи бројни придобивки за граѓаните од Западен Балкан, а пред се двојна квота на работници од регионот кој ќе може полесно да се вработи во Германија.
Минатата година германската влада воведе закон за имиграција на квалификувани работници, ФЕГ, чии одредби постепено стапуваат на сила.
Станува збор за продолжување на законот од 2016 година, кој им овозможи на граѓаните на Албанија, Босна и Херцеговина, Црна Гора, Косово, Северна Македонија и Србија полесен пристап до германскиот пазар на труд, до одреден степен независен од формалните квалификации.
Според законот, секој кој има професионална квалификација ќе може да ја врши таа работа во Германија, а истото важи и без докажување и за лицата кои работеле во нивните земји најмалку две години на работа за која е потребна стручна диплома призната до државата.
Она што е ново е таканаречената „шанса карта“ за барање работа, која се заснова на доделување бодови според различни критериуми, како што се квалификации, познавање на германски или англиски јазик, работно искуство, врски со Германија, возраст и евентуално семејството кое го придружува странскиот работник.
Третата фаза од законот ќе им олесни на странските работници кои ќе се вработат да носат со себе не само потесни, туку и членови од поширокото семејство.