Две недели по масакрот во училиште во Тексас во кој беа убиени 21 лице, меѓу кои и голем број деца, бранот вооружено насилство во земјата изгледа се зголеми. Пукање со трагичен исход имало во 43 од 50 сојузни држави во САД. До 24 мај, 730 луѓе се убиени во повеќе од 650 инциденти, покажуваат официјалните податоци. Меѓу загинатите има 23 деца, како и 66 тинејџери.
Овие бројки се длабоко загрижувачки, особено откако во последните недели во САД започна дебатата за употреба на оружје.
Во повеќето инциденти, едно лице беше убиено, најмногу по ескалација на улични тепачки, семејно насилство или пресметка меѓу криминалците и полицијата.
На пример, истиот ден со пукањето во основното училиште Роб, 19-годишно момче уби 15-годишно момче по тепачка во Акрон, Охајо. Истиот ден во Алабама 24-годишен маж го убил својот татко (61), а во Њу Џерси полицијата убила 59-годишен маж кој сакал да ја убие својата партнерка.
Од трагедијата во училиштето во Увалде до денес имало 34 масовни престрелки, во кои загинале или ранети четири или повеќе лица.
Нападите се случија во 17 различни држави, при што загинаа 35, а беа повредени 160.
Само во државата Тексас се случија три нови инциденти по училишните маскари.
Податоците покажуваат дека имало околу 250 масовни престрелки во САД од почетокот на годината, сличен број како и минатата година.