Платформа на која може да се поврзат украинските бегалци и граѓани кои би сакале да им обезбедат засолниште од воениот конфликт.
Воениот конфликт во Украина и милионите бегaлци кои бараат засолниште низ европските земји, поттикна четворица ИТ специјалисти да покренат веб страница за да ги повзат бегалците со потенцијални домаќини во Европа.
На веб страницата EU4UA.org може да се пријават и украински бегалци на кои им треба сместување, но истовремено и домаќини од било која земја во Европа кои се согласни да згрижат украински бегалци во своите домови.
Креаторите на старт ап компанијата, Хуан, Арно, Алексис и Александар, ИТ техничари кои работат од далечина, од Франција, Белгија, Шпанија и Колумбија, велат дека идејата да ја создадат веб страницата била поттикната од една тажна фотографија на која се прикажани украински деца скриени во засолниште.
„Нашата цел е да ги поврземе украинските бегалци со европските семејства кои се подготвени да ја споделат својата куќа или празната куќа што ја поседуваат. ЕУ има 11 милиони празни станови/куќи и многу семејства имаат резервни спални соби. Нашата алатка е тука за едноставно усогласување на две популации кои не би можеле да се сретнат без едноставна и ефикасна платформа. Ако оваа иницијатива може да го направи животот на само едно дете помалку болен, ќе ја постигнеме нашата цел и ќе продолжиме да му помагаме на украинскиот народ“, пишуваат креаторите на платформата.
(Б.Б.)