Децата од ОУ „Даме Груев“ од струмичкото село Свидовица повторно ќе имаат настава и ќе можат да одат на училиште од понеделник. Проблемот со кровот кој прокиснува како еден од од неколкуте во образовниот систем за кој пишуваше НОВА ќе биде решен.
Градоначалникот Зоран Заев денеска се сретна со родителите и рече дека од буџетот на општината ќе бидат одвоени 1,3 милиони денари за реконструкција на кровот се со цел децата да не ја испуштат наставата, иако оваа капитална инвестиција како што истакна е обврска на надлежното министерство и централната власт.
.jpg)
„ Со средствата кои беа предвидени за две улици во Струмица ќе го решиме проблемот со кровот во училиштето. Очекуваме во наредните денови да се распише тендерот, а до крајот на октомври да започнат градежните работи за промена на кровот. Додека министерството за образование се занимава со тоа кој наставник ќе протестира и како да го спречат протестот, апелирам да се вклучат во решавање на проблеми кои ги има многу како овој во подрачните или централни училишта, рече Заев.
Родителите се согласија да ги пуштат своите деца на училиште, но уште еднаш кажаа дека Министерството за образование нема слух за нивните деца кои не ја започнаа школската година како и останатите.