Овогодинешните филмви номинирани за Оскар се подолги од минатогодишните. Во просек траат 2 часа и 15 минути. А тоа е за 10 минути повеќе отколку минатата година, 23 минути повеќе отколку во 2011 и 14 минутиповеќе отколку во 2010 година.
Годинава, оскаровското шоу ќе биде ќе трае 3 часа и 40 минути. Ексклузивни телевизиски права има каналот ABC. Воведот на годинашниве водители Emma Stone и Seth MacFarlane ќе трае 15 минути.
На водителите во врачувањето на златните статуетки ќе им помогнат Мајкл Даглас, Мерил Стрип, Џенифер Анистон, Ричард Гир, Рене Зелвегер, Шарлиз Терон и Џон Траволта.
За главната награда на вечерта, „Оскар“ за најдобар филм, се натпреваруваат девет остварувања.
Се шпекулира дека фаворит е „Линколн“ на Стивен Спилберг со вкупно 12 номинаци
Веднаш зад него со 11 номинации е филмот на Анг Ли „Животот на Пи“. Овој филм ги понесе, исто така, номинациите во главните категории, за најдобар филм, режија и адаптирано сценарио и за визуелни ефекти.
По 8 номинации добија љубовната драма „Во добро и во зло“ на Дејвид О. Расел, за која за споредна улога, номинација има Роберт де Ниро и мјузиклот „Клетници“ на режисерот Том Хупер.
7 номинации има филмот на Бен Афлек „Арго“, кој се осврнува на вистински настани од заложничката криза во Иран.
Во категоријата за најдобри глумици, годинава се поставени два нови рекорди – 85-годишната Емануел Рива „Љубов“ е најстарата актерка номинирана за главна улога, а Куванџане Волис („Ѕверови од јужната дивина“) со само девет години, е најмладата во таа категорија.
Покрај овие две актерки, за Оскар за најдобра женска улога се натпреваруваат и Џесика Честејн, Наоми Вотс и Џенифер Лоренс. за истата награда, но во машка категорија се натпреваруваат Бредли Купер („Во добро и во зло“), Дензел Вашингтон („Лет“) Жоакин Финикс („Мастер“), Хју Џекмен („Клетници“) и Даниел Деј Луис („Линколн“), за кого многумина сметаат дека ќе ја добие наградата, кој би му бил трет во кариерата.
На постоскаровската забава во „Governor’s Ball“ се поканети 1500 гости, а за нив се подготвени: 7,500 американски ракчиња, 6500 лепчиња во форма на Оскар, 5 килограми американски кавијар, 1300 школки, 300 килограми јастози од Мејн, околку 5 килограми „златна прашина“ за јадење, 5000 мини чоколади во форма на оскаровските статуетки, 1250 ракови и 1500 шишиња шампањско „Thienot“.