Седниците на Извршниот и на Централниот одбор на СДСМ се на барање на претседателот Зоран Заев, истакна заменик-претседателката на СДСМСања Лукаревска вечерва во изјава за медиумите.
Таа вели дека на седниците ќе се разговара за повеќе теми, меѓу кои и за оставката на Зоран Заев.
Според членот на ИО, Мухамед Зекири, на седниците на Извршниот и Централниот одбор ќе се расправа за актуелната политичка состојба.
Тој додава дека претседателот ќе ги информира за тоа до каде се разговорите со потенцијалните нови коалициони партнери.
– И секако ќе се отвори дебата во однос на неговата оставка, вели Зекири.
Спротивно на тврдењата на Зекири, Шилегов во изјавата за медиумите истакна дека нема да се расправа за оставката на лидерот Зоран Заев.
– Треба да разгледаме неколку сериозни позиции кои се однесуваат на формирањето на политичкото мнозинство, влезот на Алтернатива во Владата. Мислам дека извесно е тоа да се случи и очекувам тоа да биде примарно на оваа дебата и формирањето на Владата, вели Шилегов.
Многу состојби, како што потенцираше, ќе се дискутира, ковид, енерегетската и политичката состојба во државата потоа ќе се донесат соодветни одлуки.
– Не знам дали за тоа ќе се расправа, ова е редовна седница која беше закажана во вторникот меѓутоа се одложи поради немилите настани во Бугарија, изјави Петре Шилегов пред денешниот Централен одбор и Извршен одбор на СДСМ.