Хрватскиот писател Јурица Павичиќ за „Јутарњи лист“ го анализира проектот Скопје 2014 и феноменот на мегаломански споменици за кои вели дека потсетуваат на Лас Вегас и главниот град на Северна Кореја Пјонгјанг.
Ова е град на триумф на лузери, вели Павичиќ. Го гледам тоа ново, полудено Скопје и се мислам: оној што ова го смислил и извел би требало да биде пратен на психијатриско вештачење.
-Ниту една слика, ниту видео не може да ви ја долови глетката кога прв пат ќе го видите тоа ново историско Скопје. Тој топол ден стоев во центарот на градот кој јас го познавав поинаку. Јас познавав друг град кој беше изграден по земјотресот ’63. Тоа порано беше убав град, топол, со убави згради, елегантна геометрија, концертни сали и трговски центри.
Тоа попладне пред мене беше друг град, некоја мешавина од Лас Вегас и Пјонгјанг, со примеси на Аликарнас и Ашкобад. Тој град е полуд од најлудите идеи на туркенискиот диктатор Сапамурат Нијазов.
Значи ништо, ама баш ништо не може доволно да ве подготви за тоа ново Скопје, кое според проектот на лидерот на ВМРО Никола Груевски, во екот на рецесијата, се изгради многу брзо“, вели писателот Јурица Павичиќ.