Без амин од парламентот, ќе нема одлука за Македонија, најави бугарскиот премиер, Кирил Петков во интервју за националната телевизија.
„Како премиер, нема да донесам никаква одлука ако истата не биде одобрена во бугарскиот Парламент. Единственото нешто што ќе го кажам на маса со европските лидери е дека нема да го сменам бугарскиот став, доколку нема одлука од бугарскиот Парламент, изјави Петков.
Тој рече дека доколку е вистина тоа што го слушнал, во францускиот предлог ќе има гаранции за Бугарите во Република Северна Македонија и во однос на антидискриминацијата и во однос на Уставот на земјата. Како што рече, не го прочитал францускиот предлог, кој е испратен директно до Собранието.
„Ќе ја следам волјата на бугарскиот парламент и нема да донесам никаква независна одлука“, изјави Петков.