Лидерот на партијата на турското малцинство во Бугарија, Движењето за правата и слободите, Ахмед Доган, денеска е нападнат додека го читал извештајот за време на Осмата национална конференција на движењето.
Доган е нападнат со пиштол на гас додека зборувал пред делегатите на форумот. Новинарите веднаш забележале дека еден од присутните се приближува кон говорницата каде што се наоѓал лидерот на Движењето на правата и слободите, а на снимките се гледа дека Доган самиот му го одзема пиштолот од рака на напаѓачот, кој бил веднаш совладан и легнат на земја, по што бил физички нападнат од учесниците на конференцијата.
Напаѓачот е Октај Енимехмедов од Бургас, кој е регистриран како делегат на партијата од овој град. По нападот 25-годишниот Октај е однесен во полиција, а кај него биле пронајдени пиштол на гас и два ножа.
Енимехмедов има криминално досие, а на полицијата и е познат како хулиган, учесник во тепачки и кражби.