Долгогодишна членка на ВМРО – ДПМНЕ и вработена во центрите за социјална работа, испрати текст до НОВА во кое го образложува своето мислење за начинот на работа на министерот за труд и социјална политика Диме Спасов, нарекувајќи го „Црни Диме“. НОВА во целост ви го пренесува писмото.
„Почитувани, јас сум член на ВМРО – ДПМНЕ од 1995 година и сум вработена во еден од центрите за социјална работа од осамостојувањето на Македонија до денес. Доколку навистина владееше демократијата во нашата држава, како и во останатите држави, каде секој има право да го каже своето мислење без да биде санкциониран немаше да се кријам, туку со име и со презиме ќе се претставев која сум.
Искрено се надевам дека ќе ме разберете што не се претставив и се надевам дека тоа нема да биде пречка да го објавите мојот револт и реакција, за што однапред ви се заблагодарувам.
Откако на брз и чуден начин, со исклучување на широката јавност, тимот на министерот Спасов изработи фаличен Закон за социјална заштита, кој е полн со дискиминаторски одредби, вчера истиот министер побрза, да објави нов проект фатаморгана, наречен „посети“.
Уште не дал одговори за новиот Закон и за неговата применливост, тој побрза со нов проект.
Откако со донесените измени на Законот за социјална заштита кои беа донесени пред околу три недели ќе им ги укине социјалните права на преку 20 илјади корисници на нега и помош од друго лице, денес се пофали со нов проект – таканаречен „посета“, со кој им објаснува на жителите од руралните средини за социјалните права.
Ова е небулоза од прв степен, прво им укинува права па после со посета ќе ги теши? Ќе им дели утеха?!
Македонскиот народ е заморен од проекти на хартија, на македонскиот народ му требаат конкретни дела, му требаат работа и пари за да преживее!!!
Немаше никаква потреба за измени и дополнување на Законот за социјална заштита, она што беше потребно е да се подобрат услови за работа по центрите за социјални работи и во МТСП. Со донесениот Закон, министерот Спасов внесе конфузија, нервоза, револт… дури и тие што го пишувале Законот не знаат да ни го објаснат и да ни кажат како да постапуваме, верувајте странките доаѓаат револтирани и ние ги враќаме, пошто немаме никакви инстуркции и насоки како да постапиме од МТСП, а сега не тераат да одиме по селата и да објаснуваме, но се прашувам што ќе објаснуваме? Да објаснуваме ќе ви ги укинеме правата, ама ќе ве посетиме да не ви се слоши од веста?!
Црни Диме или како што јас ве гледам, ми личите на киндер – министер, набрзина донесе нов закон со кој оштети многу наши жители на руралните средини, па сега ќе ги посетуваме, аман те молам остави ги на мира веќе луѓето, тоа е лицемерие од невидени размери.
На народот не му се потребни посети, потребни му се подобри услови за живот, потребен му е асфалт до секоја куќа да може брза помош да стигне на време, а не после два часа, потребни се амбуланти и аптеки во близина, потребни се објекти со намирници, а тапкање по рамо верувајте не им е потребно!!!
Киндер министер, проектот кој што ти го нарече посети во руралните средини ти е фикција и фотоморгана? со кои коли ќе ги вршиме тие посети,кога возниот парк во центрите за социјални работи е руина од возила стари над 20 години? Како ќе правиш посети кога центрите кубурат со средства за гориво?Откако дојде ти, во центрите се чувствува недостиг за тонер и тоалетна хартија, а средства за гориво и поправка на возила тоа е веќе мисловна именка!
Црни Диме,Зошто не признаеш дека не си дораснат да бидеш министер и дека е време да се повлечеш, така ќе биде најдобро за тебе и за граѓаните и за Македонија, а со тоа ќе ја спасиш и матичната партија од уште многу глупости кои може да ти паднат на памет како киндер министер кој сака само да се слика пред новинарите и за да се покаже пред Груевски дека нешто работи, свесен ли си дека и нанесуваш огроман штета на партијата од која што доаѓаш и тоа може да придонесе многу бргу од владејачка, да стане опозициона партија… Ако тоаго одобрува твојот лидер, тогаш „Среќно“!!!
Македонија не е автошкола па ти да се учиш на неа да возиш… Македонија е премногу скапа работа да за некој се учи да биде министер!!!
Црни Диме, уште денес потенцирам дека најмногу ќе и помогнеш на Македонија и на македонските граѓани ако си поднесеш оставка и си заминеш… тоа ќе биде најдобро за тебе!!!
Со почит!!
Загрижена вмровка – социјален работник
