По пет часа меѓупартиски преговори, средбата во резиденцијата на ЕУ амбасадорот во Пржино заврши без резултат што би можел да се објави во јавноста.
Амбасадорите на САД и на ЕУ, Џес Бејли и Аиво Орав не се разочарани од денешната средба, бидејќи се работело добро, а разговорите биле конструктивни. Според нив некогаш е потребно време за да се дојде до договор.
Во денешните разговори меѓу четирите поголеми партии учествуваа заменик-претседатлката на СДСМ, Радмила Шекеринска, Никола Тодоров од ВМРО ДПМНЕ, Артан Груби до ДУИ и Имер Алиу од ДПА.
Преговорите ќе продолжат и следните денови.
Ова е втора средба на партиските претставници по вчерашната посетата на Американскиот помошник државен секретар за европски и евроазиски прашања, Викторија Нуланд.
Партиите се во обид да ги надминат несогласувањата што го попречуваат решавањето на политичката криза поврзани со Избирачкиот список и со реформите во медиумите.
Според договореното вчера, избори ќе има во ноември но претходно треба да се провери дали се исполнети сите услови а таа проверка ќе се врши во август. Досега има напредок за медиумите и списокот, но станува збор за мал пробив.
Во Пржино вчера се разговарало и за специјално судско одделение и специјален оддел во Министерството за внатрешни работи за случаите на Специјалното јавно обвинителство. Но договор по ова прашање се уште нема.