„ Вчера (5. ноември) почина Славка Арсова – поетеса и авторка за деца, родена на 3 јули 1934 година во Скопје, членка на Друштвото на писателите на Македонија од 1993 година. Арсова е авторка на петнаесетина збирки поезија, но попозната е по своето творештво за деца („Бисерчиња од детски глави“, Академски печат, 2017) и како основачка и организаторка на детскиот книжевен фестивал „Ракатки“. Погребот на Славка Арсова ќе се одржи во сабота на градските гробишта во Бутел, во 12:00 часот“, информираат од Друштво на писателите на Македонија.
Добитничка е на наградата „13 Ноември“ на Град Скопје, награда на манифестацијата „Месец на липите“, награда за животно дело на Здружението на просветните работници – литературни творци и други признанија.
Авторка е на книгите: „ Песни за мали и големи“, „Дом на месечината“ , „Солзите на Роска“, „Разни имиња -без презимиња“ и многу други.