Ирачките безбедносни сили соопштија дека американска база во Ирак денеска била цел на ракетен напад.
Не е познато дали во инцидентот има штета или повредени.
Пред неколку дена во американски напад беа убиени четворица проирански вооружени лица од Ирак.
-Ракети биле истрелани врз базата Аин ал Асад во провинцијата Ал Анбар, изјави извор од безбедносните сили.
Командантот на проиранската вооружена група, чии борци беа убиени пред неколку дена, изјави дека најмалку две ракети биле истрелани врз американската база.
Расте стравот од избувнување на поширок регионален конфликт како резултат на војната на Израел со палестинската милитантна организација Хамас.