Демонстрантите и денеска почнуваат да се собираат на протест пред Владата кадешто повторно им е спречен пристапот до зградата од страна на полицијата. Од 5 мај наваму протести има секој ден, а просторот пред владата не е дозволен за демонстранции. Поради ова, активисти од невладините организации кои се занимаваат со човекови права ја критикуваат власта дека на граѓаните им го прекршува уставно загарантираното право на протест.
Првите протести почнаа на 5 мај по тн. бомба на опозицијта која откри дека власта се обидувала да ја прикрие повисоката одговорност во случајот со убиството на Мартин Нешковски. Вечерта избија судири помеѓу демонстрантите и полицијата. Судирите настанаа откако подоцна во ноќта на демонстрантите им се приклучија маскирани млади лица од некои навивачки групи од Скопје.
Демонстрантите бараат премиерот и останатите функционери во власта да си поднесат оставки и да понесат одговорност.