Крајно време е политичките конкуренти да почнат да градат култивирана меѓусебна комуникација и меѓусебно да се почитуваат.
Тито Петковски
Премиерот Мицковски во неколку јавни настапи индиректно и даде подршка на претходната влада за проектите во сверата на инфраструктурата и особено на одлуките во надворешната политика, (Преспанскиот договор и Договорот за пријателство и соработка со Бугарија).
Некои од нив ги прогласи дури и како пример за градење добрососедски односи и европски пристап во решавањето на проблемите.
Бидејќи во опозициските години и особено во предизборната кампања, токму за таквите политики, луѓето од предходната влада ги третираше за “предавници” на националните интереси, доблесно е и политички коректно да упати јавно извинување до претходната влада.
Овде не станува збор за политиките на претходната влада во останатите свери на општествениот живот, пред се’ во сферата на криминалот и корупцијата, злоупотребите на функциите, владеењето на правото и сл. Но она што долгорочно гледано актуелната влада го оценила за добро и го прифатила како своја политика, политичката култура налага јавно извинување.
Крајно време е политичките конкуренти да почнат да градат култивирана меѓусебна комуникација и меѓусебно да се почитуваат.
Зарем е толку тешко некогаш да признаат дека погрешиле, лошо процениле или потцениле некои факти.
Впрочем, познато е дека безгрешни луѓе нема, но големи се само оние кои се подготвени да ги признаат своите грешки.
Од Фејзбук ѕидот на авторот