Французинот Антоан Леис ја загубил својата сопруга во смртоносните терористички напади во Париз. Неговата објава со посвета кон терористите на ИСИС беше споделувана илјадници пати. Сопругата на Антоан, Елен, загинала во нападите во „Батаклан“ концертната сала.
„Во петокот го одзедовте животот на едно прекрасно човечко суштество. Љубовта на мојот живот, мајката на моето дете, но нема да уживате во мојата омраза. Не знам кои сте и не сакам да знам, вие сте мртви души. Ако вашиот Бог во чие име убивате заслепени, сакал тоа да бидеме ние, секој куршум во телото на мојата сопруга тогаш е рана во неговото срце. Затоа нема да ви ја подарам мојата омраза. Очигледно ја баравте, но ако на тоа одговорам со бес, ќе значи дека се предавам со истата неукост која вас ве направи она што сте.
Сакате да се плашам? Сакате поинаку да ги гледам своите сограѓани? Да ја жртвувам мојата слобода за безбедност?…Вие губите…Утрово ја видов, чекајќи после денови и ноќи. Беше исто толку убава како што беше во петокот вечерта. Исто убава како тогаш кога се заљубив во неа пред 12 години.
Секако, скршен сум од тага, ќе ви го дадам таа мала победа. Но тоа ќе трае кратко. Знам дека таа ќе биде со нас секојдневно и дека ќе се сретнеме во рајот каде што се слободните души, нешто што вие никогаш нема да знаете што значи.
Ние сме само двјаца, мојот син и јас, но помоќни сме од сите војски во светот. Немам повеќе време да трошам на вас, треба да се вратам кај Мелвил кој се буди по својата попладневна дремка. Тој е само 17 месеци.
Ќе појадува секој ден, и ќе си играме пак како што тоа го правиме секој ден, и во секој ден од неговиот живот, ова мало момче ќе ве навредува со неговата среќа и слобода, бидејќи ја немате ниту неговата омраза, Антоан Леис“, се вели во неговата порака која потоа е ставена во видео контекст за BBC.