Португалската фудбалска ѕвезда, Еузебио да Силва Фереира, кој беше најдобар стрелец на Светското Првенство во 1966 година, почина на 71-годишна возраст.
Еузебио е роден во Мозамбик во 1942 година, додека земјата беше португалска колонија, а за репрезентацијата на Португалија одигра 64 пати и постигна 41 гол.
Поранешниот напаѓач на Бенфика постигна 9 погодоци во 1966 година на Светско во Англија, 4 од нив против Северна Кореја.
Во светот познат како еден од најдобрите фудбалери во историјата, тој има постигнато вкупно 733 погодоци во 745 професионални натпревари.
Изминатава година, Еузебио беше лекуван во болниците неколку пати со третмани за неговото срце, како и проблеми со дишењето.
Познат по неговата брзина и вештите дриблинзи, Португалецот беше именуван за Европски фудбалер на годината во 1965 година.
Го освои Европскиот куп со Бенфика во 1962, а изгуби од Манчестер Јунајтед во финалето на Вембли во 1968.
Еузебио ќе остане запишан во историјата со 10 клубски титули и 5 португалски купови во неговите 15 години поминати во португалскиот клуб, а беше Најдобар стрелец на Португалија дури 7 пати.