Македонската владина делегација предводена од премиерот Димитар Ковачевски ја почна посетата на Бугарија, во рамките на која утре двете влади ќе одржат заедничка седница.
Македонската делегација свечено беше дочекана со сите државно-воени почести а настанот се одви на плоштадот „Александар Невски“ во Софија.
Во пресрет на заедничката владина седница и двете земји ги конципираа работните групи кои ќе работат на областите од заемен интерес а во делот на економијата и инфраструктурното поврзување. Македонската влада денеска го одобри Меморандумот за железничко поврзување Скопје-Софија, кој се очекува да биде потпишан утре во Софија.
Историјата нема да биде оставена на страна, таа останува да е дел од активностите кои имаат за цел да ја зголемат довербата а во насока на градење добрососедски односи и политики со кои ќе се избегне во иднина бугарска блокада на македонскиот евроинтегративен процес.