Операта „Атила“ од Џузепе Верди, вечерва премиерно ќе биде изведена на сцената на Македонската опера и балет со почеток во 20 часот.
Со оваа премиера се одбележува 200 години од раѓањето на композиторот, а претставата е во копродукција со Народно позориште од Белград – Србија.
Операта „Атила“ е во три чина и прв пат била изведена на 17 март 1846 година во театарот Ла Фениче во Венеција.
Во МОБ со операта ќе диригира Алесандро Д’Агостини од Италија, режијата е на Дејан Миладиновиќ, сценографија на Александар Златовиќ, а костимографија на Миланка Берберовиќ, гости од Србија.
Во улогата на Атила ќе настапи басот Иван Томашев од Србија.
Репризата ќе се одржи на 5 март.