На две одвоени вонредни седници на Град Скопје, денеска, требаше да се расправа за дивоградбите во Чаир, а потоа и за во Сарај. Но, предлагачите на точката од ВМРО ДПМНЕ ја повлекоа, „Една седница нема да ги реши дивоградбите кои ДУИ ги гради 20 години, Данела да не прави театар“, рече Стефан Кирков.
Данела Арсовска на седницата потсети на дивоградбите и фалсификатот што го направил Градоначалникот на Чаир, Ганиу. Нејзинот говор беше прекинуван од советниците кои бараа пауза, и други извици и меѓусебни навреди.
Во повеќе наврати советниците побараа да и се одземе говорот.
Со седницата претседаваше Никола Пановски.
„Дивоградбите не се случија последнава година, ниту ќе се решат за следните четири месеци. Но, има и такви во оваа сала кои се на власт 20 години со сите власти и молчат за дивоградбите. Има институции и тие институции треба да работат согласно законот. Да завршам и тоа е нашиот апел и затоа бидејќи не помина дневниот ред каде тука се сакаше да се прави спектакл и претстава за јавноста. Ние нема да учествуваме во политикантството“, вели Кирков од ВМРО ДПМНЕ.