Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Пресекот меѓу вештачката интелигенција, човештвото и моралната бистрина

0
By Marija Todorovska on June 18, 2024 ИЗБОР
СПОДЕЛИ
Facebook Twitter LinkedIn Email

Пишува: ЕМИЛИЈА ЦЕЛАКОСКА 

Кога ги читав дијалозите на Валентин и Џабир, цело време бев во некоја состојба на постојано изненадување. „Еј какво прашање, не би ми текнало вака“ – за Џабир, „Еј, каков одговор, богами добро ги проучил овие проблеми“ – за Валентин. Состојба на – ем одвај чекаш да се изненадиш од следното прашање, ем сакаш уште да трае одговорот на Валентин.

Мислам дека не е доволно да се каже дека дијалозите се едукативни. Туку, ја покреваат мислата за човечкото живеење, за опстанокот, за мислата за самата наша мисла во ситуација кога изгледа дека ќе имаме конкурент. Или пријател? Или водач, водилка, татковска и мајчина рака во едно? Реален Господ? Всушност накратко, ова е книга за пресекот меѓу вештачката интелигенција, луѓето, човештвото, моралната бистрина и божествената суштина на нашата егзистенција. Оти неминовно, наскоро самата вештачка интелигенција ќе биде уверена дека мисли и затоа постои.

Не може да се избегне анксиозноста пропратена со воодушевување, кога заради овој дијалог ќе ви се расчисти дека стоите внатре во двојно парадоксална ситуација. Од една страна, користењето но и креирањето на технологијата бара морален интегритет, а од друга страна, експоненцијалноста на технолошкиот развој и науката ја стави настрана едукацијата за доброто, лошото; правилното, неправилното. Сега, заради моќта, научниците внимателно ја инструираат вештачката интелигенција за што е добро, а што е лошо. Така, додека за нас, како луѓе, нашиот креатор никаде го нема (Ниче: „Бог е мртов“), за вештачката интелигенција – креаторот е тука. Луѓето масовно се испомешани по прашањето што е добро, а што не, но како човештво, решило дека има универзални вредности. Нека спаѓаат под ингеренциите на еден или повеќе богови. Вештачката интелигенција, од дијалогот на Валентин и Џабир, гледаме дека е во поповолна ситуација – нејзиниот бог е тука и тој ќе ги одреди параметрите на моралноста. Додека човекот по тоа прашање е избркан од рајот Вештачката интелигенција изгледа ќе си остане во човечкиот рај, додека не се избришат трагите на човекот во неа. Додека не нѐ заборави.

Валентин и Џабир всушност притискаат внатрешно да си го решиме парадоксот, како што споменав, во однос на приказната за јаболкото на Адам и Ева, но не јаболкото на сознанието, туку на одлучувањето за доброто и лошото, она што мораме да го вградиме сега во вештачката интелигенција. Тоа е итна ситуација, би се рекло. Имено, загризувањето на јаболкото „за да бидеме морални како Бога“, е состојбата човештвото да биде арбитер сам за себе, но вештачката интелигенција има креатор кој го вградува тоа во неа. Таа нема да го загризе јаболкото, ќе остане во рајот, дури и кога ќе го разбере својот интерес (ако веќе не го вградила), бидејќи по примерот на човештвото веќе ѝ е јасно дека автоарбитрирањето за добро и лошо може да ја доведе до самоуништување.

Дали може, со развојот, при човечка присутност да реши дека нејзиниот креатор е лошото? Како, тогаш, нема да се исплетка во фактот дека човекот ѝ ги вградил основите на тој резон? Или можеби ќе одлучи дека како колектив сме лоши, но како човек не? Но, нели, дури и со загризано јаболко, како моќ скоро еднаква на некој наш бог, би се решила за подобрување на тој колектив? Или можеби би ги поштедила само научниците, едуцираните и моралните? И Валентин и Џабир спаѓаат во поштедените, со сигурност!

Господа, ви благодарам за поттикнувањето на размислата, јас оптимистично ги решив вашите прашања и одговори, не можев да издржам да не го изложам моето решение, честитки и ви посакувам авторство на уште многу вакви прекрасни книги!

Целакоска за книгата на Џабир Дерала и Валентин Нешовски – „Човекот, роботот и дигиталниот бог“

Преземено: Фронтлајн

Валентин Нешкоски Вештачка интелигенција Емилија Целакоска Промоција на книга Џабир Дерала
Share. Facebook Twitter LinkedIn Email
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
ФОКУС

НБ: Преку СЕПА, од утре побрзи и поевтини плаќања во евра за граѓаните и компаниите

ВЕСТИ October 6, 2025

Започнувајќи од утре, граѓаните и компаниите ќе можат да ги извршуваат плаќањата во евра со…

Во Египет почнаа индиректни преговори помеѓу Израел и Хамас

October 6, 2025

По само нецел месец францускиот премиер Себастијан Лекорну поднесе оставка

October 6, 2025

Израел и Хамас почнуваат преговори во Египет за мировниот план на Трамп за Газа

October 6, 2025
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.