Пожар во куќа на улицата „Трета македонска бригада“ синоќа во Скопје однесе еден човечки живот. Како што соопштуваат од полицијата, откако пожарот бил изгаснат во куќата било пронајдено безживотно тело на 75 годишна жена. Смртта ја констатирал лекар.
Пожарот бил проијавен вчера во 20.40 часот, информираат од полицијата.
– Настанал пожар во куќа на ул.„Трета македонска бригада“ во Скопје, пожарот бил изгаснат, а во куќата била пронајдена почината С.Ч.(75) од Скопје. Смрт констатирал лекар, увид бил извршен од полициски службеници од СВР Скопје, велат од МВР.
По наредба на Јавен обвинител, телото на починатата било предадено на обдукција. Извештајот од обдукцијата, како што ни изјави директорот на Судска Медицина , Александар Станков , ќе биде готов по празниците.
Полицијата работи на расчистување на случајот.
