Потврдено е дека принцот Чарлс (73) е позитивен на коронавирус, поради што веднаш се преземени мерки на претпазливост и кралицата Елизабета (95) била ставена под надзор на лекар и, се разбира, тестирана за коронавирус.
Јавноста во Британија сега е загрижена, бидејќи палатата одбива да ги објави резултатите од тестот, само наведува дека кралицата нема никакви симптоми. Најавено е и дека кралицата после ова ќе биде тестирана уште неколку пати, откако во вторникот била во контакт со нејзиниот син, принцот Чарлс во палатата Виндзор.
Неофицијални информации се дека кралицата била трипати вакцинирана, првиот пат во јануари 2021 година, па нема да мора да се изолира, освен ако тестовите не покажат дека е позитивна или ако почувствува некој од симптомите на вирусот.
Потсетуваме, принцот Чарлс (73) открил дека е позитивен при вообичаеното утринско тестирање кое се практикува пред секој јавен собир на кој присуствува.