Полициски службеници од Полициската станица Бит Пазар, утринава околу 01..30 часот на бул.„Крсте Петков Мисирков“ во Скопје, го лишиле од слобода Џ.И.(40) од с.Страхојадица, општина Зелениково, поради сомнение дека непосредно пред тоа, со употреба на сила влегол во угостителски објект на ул.„Битпазарска“, сопственост на Б.Б.(34) од Република Турција, а со живеалиште во Велес, и одзел техничка стока и пари, соопштија од МВР.
Во близина на местото на настанот биле пронајдени дел од предметите, а Џ.И. бил приведен во полициска станица. По целосно документирање на случајот против него ќе биде поднесена кривична пријава по член 236 од Кривичниот законик.