За борбата со стереотипите, бариерите, за како што велат, гетото на 21 век во кое нема бодликава жица, а луѓето со попреченост се затворени во себе, за можноста политичарите решавајќи го ова прашање да го донесат концептот на современото општество, во ПРОЦЕС зборуваат Александар Матовски Цако и Ненад Марковиќ.
„Сакам да ги боцкам политичарите, сакам да зборувам за проблемите на луѓето со Даунов синдром, да покажам дека не се плашам од различноста, да укажам дека Македонија треба да се гордее со овие луѓе“, вели Цако.
Тој зборува и за Флоренс, љубовта на својот живот, неговата радио емисија, за поезијата, за студиите, за сексуалноста, за кампањите и проектите на кои работи.
„Решавањето на прашањето на луѓето со попреченост е горчлив тест за политичарите, да се покаже дали сме подготвени да влеземе во процесот на европеизација“, вели Ненад, кој има своја фирма за градежништво, а е со церебрална парализа.
Ненад и Цако се успешни млади луѓе и вистински пример како се уриваат стериотипите.