Група граѓани вечерва протестираат пред Владата и бараат одговорност за бегството на Никола Груевски. Протестот беше организиран преку социјалните мрежи откако беше потврдено дека поранешниот премиер се наоѓа во Унгарија и таму ќе бара политички азил.
-Она што не собра е револтот и сите сме бесни за она што претпоставуваме дека се случи, а тоа е дил помеѓу корумпираните елити, и овозможување криминалецот Никола Груевски да избега. Некој мора да сноси одговорност, дали во судството дали во МВР. Спасовски дури и да нема политичка одговорност, има морална одговорност да си поднесе оставка, бидејќи или се неспособни да го задржат во земјата или му овозможиле да избега. Поради тоа, мора да поднесе оставка. Мијалков мора да заврши во притвор. Како тоа за Миле имало опасност да избега, а за Мијалков нема. Ако го остават на слобода, кога Миле е во притвор тоа ќе значи дека Мијалков е на слобода поради нивните планови – рече Здравко Савески на протестот.