Стотина активисти и граѓани се собраа пред Владата од каде тргнаа на протестен марш до Прифатниот центар за мигранти во Гази Баба, во знак на солидарност со мигрантите кои транзитираат низ државатa, со пароли кои се скандираат.„Правда за бегалците“, „Заедно сме посилни“
Со маршот, движењето “Протестирам“, бара државата да гарантира привремена заштита за мигрантите и еднакви услови за живот за сите.
Oткако ќе поминат „Еден километар во чевлите на мигрантите“, пред Прифатниот центар за мигранти во Гази Баба, присутните ќе ги прочитаат правата на мигранитите и ќе укажат на мизерните услови во центарот.
Граѓаните се потпишуваат на списокот на волонтери кои сакаат да помогнат во секојдневните хуманитарни акции за помош на мигрантите кои најчесто пеш по пругите или автопатите, или на велосипеди, се движат од Гевгелија кон Куманово, со намера преку Србија да стигнат во некоја од развиените европски држави.
.jpg)