Додека претеседателот на Синдикатот Живко Митревски држеше прес-конференција на која се фалеше со своите достигнувања во сферата на работничките права, истовремено, пред зградата на ССМ се протестираше.
На повикот на Левичарското движење Солидарност и движењето за социјална правда Ленка околу двесте луѓе побараа поголема социјална правда, но зборуваа и за неактивноста и пристрасноста на Сојузот на синдикати на Македонија. Додека Митревски од друга страна мирно зборуваше во просториите на ССМ за успесите и делата на синдикатот, двајца демонстранти упаднаа со транспаренти на кои беа испишани паролите „Ги продадовте работниците“ и „Жолти синдикати“.
На протестот се придружи и Самостојниот синдикат на новинари и медиумски работници кои заедно со Движењето за социјална правда Ленка соопштија дека ќе покренат иницијатива пред уставниот суд за оценување на уставноста од укинувањето на дел од одредбите за репрезентативност на синдикатите во Законот за работни односи. Измените предвидуваат работодавачот да има увид, но и да го верификува, односно заверува списокот на членови на синдикатите.