Откако во јавноста се ширеа гласини за тоа каде е претседателот на Русија Владимир Путин и по пишувањата дека е болен бидејќи во јавноста го немаше од 5.март, Кремљ соопшти дека не се работи за никаква болест.
Швајцарски „Блик“ пишува дека Путин се повлекол од јавноста затоа што очекува син.
Тој и неговата љубовница Алина Кабајева, се пријавиле во клиниката „Сент Ана“ во Соренж во Швајцарија каде што таа чека да се породи. Повикувајќи се на очевидци, весникот пишува дека Кабајева била во друштво рускиот претседател.
Тој и Кабајева досега никогаш не се видени во јавност официјално заедно како пар, а нивната врска е јавна тајна.
Портпаролот Песков, веќе неколку пати негира дека Путин е болен, особено по информацијата дека ја откажал посетата во Казахстан.
-Средбата во Астан е одложена, изјави Даурен Абајев, советник и портпарол на казахстанскиот претседател Нурсултан Назарбајев, без да образложи поради што е одложена посетата која беше планирана за оваа недела.
Кремљ објави фотографија на која се гледа дека Путин се сретнал со еден гувернер на Карелија, но од друга страна локален веб сајт објави дека средбата се остварила на 4-ти март.
Медиумите пренесуваат дека Кремељ со денови објавувал постари вести.
Официјално Владимир Путин последен пат е виден на состанок со италијанскиот премиер Матео Рензи.