Институтот за Цивилен Развој и Политолошки Анализи РесПублика при Правниот факултет “Јустинијан Први” во соработка со Американската Амбасада во Скопје, организира месец на цивилното општество како дел од проектот наречен Civil Lyceum.
Овој проект има за цел преку четири последователни панел дискусии, да допринесе кон унапредување на цивилното општество и ревитализирање на јавната дебата.
Панелите се одржуваат секоја сабота, започнувајќи од 16-ти ноември, на четири различни локации во Скопје. За таа цел овој проект опфаќа четири различни аспекти кои непосредно го засегаат цивилниот сектор, а ќе бидат анализирани од страна на еминентни личности – експерти во обработуваната тема.
Третата панел дискусија на тема – “Големиот предизвик -Мултикултурализмот”, ќе се одржи во Даут Пашин Амам на 30.11.2013 со почеток во 18:00 часот.
Како панелисти на оваа дискусија ќе се појават:
Иванка Додовска, Маја Мухиќ, Агим Јонуз и Горазд Чаповски.