Љубе Бошкоски е осуден на 12 години затвор, судот го прогласи за виновен дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски.
При читањето на пресудата атмосферата во целата судница излезе од контрола.
Бошкоски му се обрати на судијата: „Кај ги виде доказите, како те купија , ова е политички процес, бандо криминална“.
Потоа Бошковски им се обрати на чуварите: Носете ме, јас овде нема што да правам повеќе.
Присутните роднини со плачење и негодување ја слушаа пресудата, а полицајците ги исфрлија од судницата сестрите на Љубе Бошковски.
Судијата имаше голем и долг вовед пред да ја објави пресудата, во кој нагласуваше дека просецот е праведно воден.
Невладините, граѓанските асоцијации и адвокатите кои го следат случајот коментираат дека ова звучи како оправдување.
За овој случај обвинети се 15 лица, првите четворица, кои се наведени како извршители и еден од нив организатор, Предраг Чубрило, Милан Илиќ, Милорад Ковачевиќ и Вук Вукичевиќ се во бегство.
Судот на четворица им изрече доживотна казна затвор. Двајца од обвинетите добија по осум години затворски казни, еден доби десет, а други двајца – шест години затвор.
>>„Ровер“: Потресно во судницата – излагање на завршни зборови
Одбраната на обвинетите во текот на судењето реагираше и во неколку наврати изјави дека истражните органи воопшто не ги искористиле правните процедури и не ги пронашле првообвинетите.
>>САД: Власта се пресметува со неистомислениците
Марјан Тушевски и Кире Јанев беа убиени на 10-ти јули 2001 година. кога излегувале од кафулето „ЗУ” во скопската населба Капиштец. Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство.
>>Семејството на Тушевски бара отштета од 5,4 милиони денари
Бошкоски во затворот „Идризово” ја издржува петгодишната затворска казна за нелегално финансирање на изборната кампања.