Кијив: Командантот на украинските сили во Доњецк, генерал Олександр Луценко, е разрешен поради неколку значајни порази, објавија украинските медиуми. Според порталот „Украинска правда“, на негово место ќе дојде генерал Олександер Тарнавски, јавија светските агенции.
Назначувањето се уште не е официјално објавено во Киив.
Украинското воено раководство се соочи со остри критики за несоодветна одбрана кај Покровск. Руската армија успеа да ги пробие добро утврдените одбранбени линии јужно од градот. Поради тоа, на Покровск му се заканува опасност да биде опколен, како и натамошно напредување на руската војска кон регионот Дњепропетровск.
Претходно, беше објавена смена на командата и на руските сили во источниот украински регион Донбас. Рускиот претседател го назначи генерал-полковникот Андреј Иванајев за командант на групата сили Восток, која ја предводи офанзивата во Донбас, објавија руски и украински медиуми.