Американските и европските сигурносни агенции проценуваат дека Русија на границата со Украина распоредила над 30.000 војници. Минатата недела светските медиуми известија дека бројката на војници е 20.000, јавува Ројтерс.
Изворите на агенцијата тврдат дека проценките не се целосно прецизни. Некои известуваат дека на границата има над 35.000 војници, а други велат дека се 25.000. Сепак сите тврдат дека бројот на војниците видливо се зголемува.
Американските официјални лица не се сигурни во плановите на Путин, но некои тврдат дека „никој не ја исклучува можноста за агресија“.
Пред неколку дена на You Tube се појавија снимки на кои се гледа воз кој пренесува тенкови во близина на градот Вороњеж.