Откако Киев ги одби преговорите за прекин на огнот, Руската војска доби наредба да ја прошири својата офанзива во Украина „во сите правци“ во согласност со плановите на операцијата, се вели во соопштението на руското Министерство за одбрана.
Во Киев и во неколку градови низ Украина е прогласена воздушна опасност. Уште една тешка ноќ им следува на граѓаните.
Воедно е забележано дека групите војници на ДНР и ЛНР ја продолжуваат офанзивата со огнена поддршка на вооружените сили на Русија. Единици на силите на ЛНР напаѓаат во правец на селото Рубизноје.
Претседателот Зеленски денеска повторно им порача на Украинците дека не си заминува од државата и не го положуваат оружјето, додавајќи дека сега се решава судбината на Украина.