Најмоќните косовски лидери им прават огромна штета на односите на Косово со САД и ЕУ, а на врвот на тој список се наоѓа Хашим Тачи, поранешен премиер а сега министер за надворешни работи и вице премиер. Тој е најмоќната фигура во земјата, пишува американскиот влијателен сајт Политико кој од неодамна отвори свое допсиништво во Брисел.
НОВА ви ги пренесува најважните делови од текстот објавен на Политико, Брисел.
Тачи и другите членови на политичката елита кои се споменуваат во разузнавачките извештаи во ЕУ и САД како главни фигури на организираниот криминал, велат дипломатите, ги жртвуваат интересите на Република Косово и на нејзините жители за да се заштитат самите себе си од кривично гонење.
Тоа го прават со минирање на напорите на Вашингтон и Брисел кои сакаат да формираат специјален суд кој би отворил истраги против Тачи и другите команданти и војници на УЧК кои биле вовлечени во 400 случаи на киднапирање, нелегално затворање и убиства по бомбардирањето на НАТО на Србија во 1999 година.
Овие косовски лидери, пишува Политико кој наведува изјави на западни дипломати, ја искористиле нивната моќ за го спречат косовскиот парламент да донесе закони и уставни промени кои би дозволиле креирање на специјален суд.
“Ако овие закони не се усвоени, односите на САД со косовската влада и идните влади на Косово ќе се расипат”, вели за Политико западен дипломат кој додава дека САД сакаат да ја покажат својата длабока определеност за истрага на наведените сомневања низ кредибилен процес.
Текстот наведува дека сите западни дипломати зборуваат во еден глас вклучително и бриселските дипломати кои одат на Косово за да преговараат ослободување од визниот режим и договорот за стабилизација и асоцијација.
Жртвите на наведените сомненија за злостори се пред се косовските Срби, Роми и други малцинства. Но помеѓу нив има и Албанци кои биле обвинети за соработка со Србите.
Според Политико, истрагата има собрано многу докази кои покажуваат дека некои од убиствата се поврзани со продажба на органите на жрвите. Истрагата работи и понтаму за да собере доволно докази кои треба да ги изнесе во специјалниот суд.
EУ и САД се уверени дека овој специјален суд и неговата работа можат да бидат само од корист за граѓаните на Косово за да се открие вистината и за да може Косово да се ослободи од организираниот криминал и да ја заживее економијата, како што тоа косовските граѓани го посакуваат.
Овој суд би бил сместен на Косово и би работел според ковоските закони. Но во судот би имало странски обвинители и судии а судењата би се одржувале вон Косово. Само така би можеле и судиите и обвинителите и сведоците да се заштитат од заплашувања и насилство.
Од последната средба Нуланд – Тачи
Сето ова на косовските власти им го има кажано Викториjа Нуланд, висок функционер на американскиот Стејт департмент во текот на нејзината посета на 12 јули годинава. Таа побарала уставните измени да се донесат до 1 август. Нуланд ова им го кажала на Тачи, Рамуш Харадинај и други поранешни членови на УЧК со предупредување дека неусвојувањето на овие закони ќе има “последици” кои таа не ги прецизирала, вели Политико цитирајќи извор од Косово.
Рамуш Харадинај
Во мај годинава, пишува Политико, во ОН Тачи дал поддршка за креирањето на специјалниот суд и рекол дека според него, најголемиот број од сомневањата се без основа. Западните дипломати кои се среќаваат во овој период со него велат дека тој е сосема смирен и без проблем зборува за потребата од специјален суд. Според западните извори Тачи, наводно, бил непријатно изненаден кога косовскиот парлемент не ги изгласал законите кои би овозможиле креирање на овој суд.
Политико разговарал и со албански аналитирачи кои тврдат дека Тачи сега се обидува да се претстави како западне сојузник во борбата против тероризмот.
Поранешен амбасадор кој работел на Косово рекол дека во организираниот криминал со Косово соработуваат сите соседи: Македонија, Црна Гора, Србија, Бугарија, Турција, Албанија.
Овој свет на организираниот криминал, вели Политико, ги корумпирал и западните дипломати од Еулекс, мисијата на ЕУ на Косово која има за задача да се бори токму против организираниот криминал.