Вашингтон подготвува нови санкции против Руската Федерација во врска со ситуацијата со опозицискиот лидер Алексеј Навални, кој се наоѓа во притвор, ја објави Си Ен Ен изјавата на советникот на претседателот на САД за национална безбедност, Џејк Саливан.
„Прво, важно е вашите гледачи да разберат дека воведовме санкции против Русија за труењето на Алексеј Навални и подготвуваме нов пакет санкции кои, исто така, ќе бидат применети во врска со тоа“, истакна Саливан.
Претходно, демократите во Конгресот ја критикуваа администрацијата за неуспехот да се воведе втор, законски задолжителен пакет санкции за случајот Навални, до 2 јуни 2021 година. Демократите сметаат дека администрацијата редовно ги пропушта роковите утврдени со Законот за санкции на САД.
Саливан, исто така, додаде и дека САД ќе продолжат да воведуваат нови санкции за руските компании вклучени во проектот „Северен поток 2“.
„Прашањето е дали ќе гониме директно преку нашите овластувања за санкции, нашите европски партнери, сојузници и пријатели. Претседателот Бајден рече: Не сум подготвен да го сторам тоа, но подготвен сум да воведам санкции на секои 90 дена против руски организации вклучени во градењето на Северен поток 2. Тој го направи тоа и ќе продолжи да го прави“, одговори Саливан на прашањето зошто САД ги суспендираат санкциите против европската компанија „Северен поток 2 АГ“, која го гради гасоводот.
Санкциите против Русија ја покажуваат само неконкурентноста на САД
Незаконските активности на САД секогаш биле проследени со природен одговор од Русија, изјави портпаролката на руското Министерство за надворешни работи Марија Захарова, коментирајќи ја подготовеноста на Вашингтон за воведување нов пакет санкции поради ситуацијата со Алексеј Навални.
„САД се обидуваат да ги решат проблемите со сопствената неконкурентност преку воведување санкции за Руската Федерација“, истакна Захарова.