Соединетите Американски Држави почнаа со распоред на 3.000 војници во Балтичките земји. Според Пентагон, станува збор за воени маневри кои ќе траат три месеци во рамките на операцијата “Атлантска одлучност” а која има за цел да им порача на овие земји кои се граничат со Русија дека не треба да се грижат за својата безбедност.
“Околу 750 воени возила и опрема стасаа во Рига за маневрите кои ќе траат 90 дена”, изјави Стивен Варен, портпарол на Пентагон. Опремата се состои пред се од тенкови Абрахам, борбени возила Бредли и возила Хамвис, извести еден генерал на американската војска за агенциите.
Хеликоптери исто така се дел од опремата која стаса од САД.
Според американски воен извор, оваа опрема е испратена во балтичките земји и таа таму и ќе остане и по завршувањето на маневрите. Според еден генерал, таа опрема таму ќе остане се додека е потребно да играат разубедувачка улога доколку Русија се реши за агресија.
Во операцијата “Атлантска одлучност” учествуваат сите американски воени иницијативи кои се превземаат од почетокот на украинската криза. Тие се дел од НАТО со цел да испратат порака на безбедност за земјите членки кои се наоѓаат во близината на Русија но и за другите членки на Северно-атлантската алијанса.