Вашингтон: Претседателот на САД, Доналд Трамп, синоќа потпиша указ за воведување царини за стоките увезени од Канада, Мексико и Кина. За увозот од соседите Канада и Мексико царините се 25 отсто, додека за увозот од Кина тарифата е 10 отсто. За увозот на енергенси од Канада, тарифата е пониска, односно 10 отсто.
Според Белата куќа, нелегалните имигранти и наркотичките средства што циркулираат преку јужната и северната граница, вклучувајќи го и смртоносниот фентанил, создале национална вонредна ситуација. Затоа, претседателот Трамп презема мерки за да ги принуди Мексико, Канада и Кина да ги исполнат своите ветувања за запирање на нелегалната имиграција и приливот на отровниот фентанил и други дроги во САД, се вели во соопштението на Белата куќа.
Царините и тарифите ќе стапат на сила на 4 февруари, исклучек се стоките што веќе биле испратени пред 1 февруари.