СДСМ денеска обзнани дека полицаецот Ивица Бисовски кој беше дел од обезбедувањето на Христијан Мицкоски и кој тепаше друг полицаец пред кафе барот „Мош“ во Скопје, министерот за внатрешни работи Тошковски го ослободил од одговорност.
Јавноста уште еднаш ќе се увери дека со Мицкоски и Тошковси нема ниту правда, ниту одговорност за блиските до ВМРО-ДПМНЕ. Тоа е уште еден, нов скандал поврзан со работата на министерот Панче Тошковски и МВР. Се враќа МВРО-ВМРО на голема врата е истакнато на прес конференцијата.
Инцидент се случи во февруари 2024 година, а натепан беше полицаец, инспектор во НТШ додека спроведувал акција против трговија со дрога.
Тогаш, на 19. февруари, минитерот Тошковски изјави дека во согласност со информациите што ги имам добиено, тоа лице ќе биде суспендирано од работа сѐ до донесување правосилна пресуда, а таа ќе биде донесена во рамките на постапка по наредба на јавен обвинител и МВР, се надевам, во текот на овој ден, ќе поднесе кривична пријава за напад на службено лице. Во однос на МВР таа постапка е експресно завршена како никогаш досега.