Патници во авион на британскиот авиооператор ТУИ, кој летал на релација Кипар – Велика Британија, преживеале вистинска драма кога еден од нив, како што се наведува, под дејство на опијати се обидел да го отвори излезот за итни случаи, со повик „се гледаме во рајот“, па авион принудно слетал на аеродромот во Загреб.
Инцидентот, кко што пренесуваат хрватските медиуми, се случил ноќта меѓу понеделникот и вторникот.
Патниците раскажале дека авионот полетал од Кипар со шест часа задоцнување, а потоа еден маж, за време на летот, како што се наведува, „консумирал бел прав“.
Сведоци тврдат дека станувало збор за кокаин. Лицето најпрво се молело меѓу седиштата на подот во авионот, за потоа, во еден момент, да тргне кон излезот за итни случаи и се обидел да го отвори, порачувајќи им „се гледаме во рајот“, пишува хрватскиот портал Кроација авиејшн“.
Неколку патници, сепак, се обиделе да го совладаат, соборувајќи го на подот и на тој начин го спречиле неговиот луд обид.