Онлајн платформата Разговор.мк освен брз и анонимен пристап и разговор со професионални терапевти, советувачи и психолози, од скоро има и новитет, односно нуди следење на личните емоции преку првиот личен дневник за следење на расположението.
Имено, се работи за дигитален дневник за следење на емоциите и се наоѓа во склоп на апликацијата Разговор.мк која е бесплатна за користење. Дневникот всушност нуди визуелен преглед и избор на повеќе емоции или активности кои потенцијалниот корисник би ги практикувал и забележувал во дневникот. Со самото тоа би добивал детални аналитики и извештаи во врска со „преживеаните“ емоции и активности според кои би можел да одреди во кој правец се движат неговите чувства и расположенија и што е она на коешто би се фокусирал во своето секојдневие.
Корисниците со само три клика можат да го забележат своето своето дневно расположение и кои активности придонеле за истото да биде присутно.
Апликацијата има креирано скалило на расположение кое е едноставно за користење, а во себе има пет потенцијални емоции и тоа ужасно, тажно, онака, добро и супер. Освен тоа, постојат над 28 различни активности кои корисникот може да ги внесе во својот дневник. Некои од нив се „ТВ и серии“, „Романтичен состанок“, „Чистење по дома“, „Советување“.
Освен тоа, корисниците ќе имаат и можност податоците од своите лични дневници на расположение да ги споделат со својот лиценциран психолог и заедно да поработат на увиди кои ќе им овозможат полесно и попрецизно да ги детектираат навиките кои сакаат да ги променат кај себе.
Разговор.мк претставува бесплатна онлајн платформа која нуди избор на лиценцирани психолози и психотерапевти и дава можност за советување од областите на личен развој, вознемиреност, прокастринација, депресија, врски, справување со животни промени, емоционални кризи, а нуди и поддршка за припадниците на ЛГБТ заедницата во поглед на справување со општествените стигми.
Марија Поповска