Вкупно 17 цивили се убиени во руските ракетни напади вчера доцна во ноќта и рано утрото врз градот Харков. Уште двајца цивили загинаа во ракетниот напад на Русија врз градот Красноград, изјави началникот на регионалната воена управа на Харков, Олех Синиехубов на Телеграм, пренесува „Укринформ“.
„Во текот на денот, спасувачите ги демонтираа уништените куќи. За жал, под урнатините беа извлечени уште седум тела на жртви. Оттука, до сега, седумнаесет цивили се убиени во Харков, вклучително и момче родено во 2009 година. Четириесет и двајца цивили се повредени“, напиша Синиехубов.
Брачен пар беше убиен во сопствената куќа во Красноград, додека руски проектили го погодија градот. Нивната 12-годишна ќерка била исфрлена од куќата во дворот од експлозискиот бран. Таа беше тешко повредена. Во градот биле повредени уште двајца цивили.
Синиехубов ги нарече масовните ракетни напади на Русија врз Харков и Красноград како терористички напад и кршење на сите постоечки правила на војна.
„Руските терористи намерно истрелаа проектили врз станбени куќи“, нагласи Синиехубов.
Според портпаролот на регионалното обвинителство во Харков, Дмитро Чубенко, вкупно 17 цивили се убиени, а 42 се повредени во два округа во градот, додека двајца убиени и тројца се повредени во Красноград.
Извор: civilmedia.mk