Доколку Тачи ги изгуби изборите на 27 април го очекуваме тој да си даде оставка од претседателското место на партијата, порача струшкиот градоначалник Зијадин Села и порача дека заедно со членството и советниците од ДПА во градскиот совет и огранокот во Струга ќе делуваат како опозиција внатре во партијата.
„Ова движење нема за цел Тачи повторно да е лидер на ДПА, моето исклучување од партијата е одлука на двајца или тројца луѓе, а можеби и само на еден“, истакна Села.
„Членувањето во политичка партоја е доброволно и мене Тачи не ме зел во ДПА, јас сум во партијата од почетокот на нејзиното формирање“, изјави Села.
Струшкиот градоначалник најави дека ќе излезе на претседателски избори и својот глас ќе го даде за Илјаз Халими, бидејќи тој како член на претседателството на ДПА го дал гласот за негово кандидирање.
Струшкиот огранок на ДПА нема да излезе ма парламентарните избори поради несогласување со централата во Тетово, односно Зија Јонузи да биде носител во петта изборна единица.