Северна Македонија е на 82. место, кое го дели со Црна Гора, на листата од 199 земји според „Индекс на пасоши Номад 2022“ објавен од консултантската компанија за даноци и имиграција „Номад капиталист“. Битно е да се спомене дека овој индекс во своето бодирање ги додава оданочувањето, глобалната перцепција, можноста за добивање двојно државјанство и личната слобода.
Оваа позиција на македонскиот пасош му дава 78,50 поени а овозможува да се патува во 125 земји. За глобалната перцепција на земјава и за слободата на медиумите сме освоиле 20 односно 30 поени.
На списокот пред нас од регионот се Хрватска, Бугарија и Словенија. Со полош ранг од нас се Црна Гора и Албанјија.
Луксембург е на првото место.
– Мислам дека не е важно патувањето без визи – изјави извршниот директор на „Номад“, Ендрју Хендерсон додавајќи дека „американските и канадските пасоши се слични во однос на моќта на патувањето, меѓутоа, ако сте Американец, подлежите на даноци без разлика каде живеете, така што тие два пасоша не треба да се рангираат еден покрај друг“, смета првиот човек на „Номад капиталист“.
Ова се критериумите на методологијата според која е правено истражувањето.
Првите 10 на ранг-листата останаа непроменети во однос на минатогодишното истражување а разликата од половина поен меѓу првото место – Луксембург и второто место – Шведска е намалена поради „една виза за дополнителна земја“, рече Хендерсон.
На листата која може во целост да се најде ТУКА, најлошо рангирана е Авганистан со само 20 поени.
(М.Т.)