Во вчерашната експлозија во Њујорк во која се урнаа две згради загинаа шест лица, додека деветмина се водат за исчезнати. Повредени се над 60 лица.
Експлозијата најверојатно била превизвикана од истекување на плин, објави BBC. Спасувачките екипи ја продолжија потрагата по пожарот кој беше изгаснат синоќа.
Градоначалникот на Њујорк, Бил де Бласио, изјавил дека пожарникарите повикот за истекувањето на плинот го добиле 15 минути пред експлозијата.
Освен двете згради кои се сосема уништени, оштетувања има и на околните згради.
Од пожарникарскиот оддел известуваат дека 22 лица се повредени, но според податоците од болница 64 лица побарале помош поради здобиени повреди по експлозијата. Меѓу нив има и седум деца, од кои едно е во критична состојба.
Плочниците околу местото на несреќата се прекриени со стакло, а поради силната експлозија испопаѓале и предмети од околните продавници, велат сведоците.