Портпаролот на СДСМ и пратеник во Собранието, Петре Шилегов денеска изјави дека одлуката која денеска ја донесе Уставниот суд е само признание за изборните измами.
– Со одлуката на петте партиски послушници на ВМРО ДПМНЕ во Уставниот суд Никола Груевски ја призна вината на своите најблиски соработници. Изборните грабежи и партизираните институции беа главните причини за политичката криза. Највисоките претставници на партијата на власта се веќе осомничени за злосторничко здружување и изборна измама. Тоа е потврдено и до Специјалното обвинителство, потенцираше Шилегов.
Според Шилегов очигледно било дека дека од врвот на ВМРО ДПМНЕ биле добро запознаени зошто се покренати постапките до СЈО, па оттаму треба да се извлече заклучокот за намерата на Уставниот суд со ваквата одлука.
Портпаролот на СДСМ го повика Груевски да се изјасни дали е тоа правено по негов налог, напоменувајќи дека Груевски се плашел од правдата.
Коментирајќи ја синоќешната изјава на лидерот на ВМРО-ДПМНЕ, Никола Груевски, дека за условите за избори на 5ти јуни, понатаму нема да се преговара, вклучувајќи ги и измените во регулацијата на медиумите, Шилегов вели Груевски неколку пати претходно си го пгазувал зборот за се што ветувал во јавноста.
-Што се изнакажа лидерот на ВМРО-ДПМНЕ во текот на изминатата година па потоа го погази не би требало да и се објаснува на македонската јавност. Лидерот на ВМРО-ДОМНЕ до вчера во ноќта не убедуваше дека ќе има избори на 24.април, видовте како гласаа. Ќе ги продолжиме реформите во Република Македонија и да создадеме слободни фер и демократски услови за избори со прочистен Избирачки список и реформи во медиумите, одговори портпаролот на СДСМ.